5 Foods Good For Gum Health ( Shan Cunto Oo Cirridka U Wanaagsan )

 

Ku Ilaalinta cirridka xaalad caafimaad qab ah ayaa lagama maarmaan u ah guud ahaan caafimaadka afka. Waa kuwan shan cunto oo si gaar ah faa'iido u leh caafimaadka cirridka.

Caleenta Cagaaran

Sida, tusaale ahaan waxaa ka mid ah isbinaajka, iyo kale oo waxtar wax ku ool ah u leh cirridka.

Caleenta cagaarka ah waxay qani ku yahay fiitamiino iyo macdano badam, gaar ahaan fiitamiin C iyo kaalshiyam, kuwaas oo gacan ka geysta xoojinta unugyada cirridka iyo yaraynta bararka. Waxay sidoo kale kor u qaadaan wax soo saarka candhuufta ( saliva ), taas oo ka caawisa in afka inuu iska maydho/dhaqo hadhaadiga walxaha cuntada iyo bakteeriyada afka.

 

Midhaha (citrus)

Sida tusaale ahaan, liin macaanta, liin dhanaanta, iyo canabka.

Midhaha liinta waxaa ka buuxa kuna jira fitamiin C, kaas oo door muhiim ah ka ciyaara soo saarista booratiinka kolajiin (Collagen), oo muhiim u ah helitaan cirrid caafimaadka qaba.

Faytamiin C waxaa kale oo uu inaga caawiyaa ka hortagga cudurrada cirridka isaga oo xoojinaya habka difaaca jidhka, iyo yaraynaya fursadaha khatartaha caabuqa ama infakshanka cirridka.

 

Karootada

Karootada waxaa ku badan fitamiin A iyo beta-carotene, labaduba waxay kor u qaadaan badqabka cirridka. Qaab dhismeedkiisa ayaa la rumeysan yahay inuu inaga caawiyo nadiifinta ilkaha marka aad calaalinayso, dardar gelinta ama carinta unugyada cirridka iyo dhiirigelinta soo saarirta qulqulka candhuufta oo mihiim u ah caafimaadka cirridka.

Lawska iyo Midhaha, sida, yicibta, iyo lawska, waa kuwo u wanaagsan cirridka.

Midhuhu waa ilo weyn oo laga helo duxda caafimaadka u roon, borotiino, iyo macdano kale oo badan sida magnesium iyo zinc. Nafaqooyinkani waxay inaga caawiyaan ilaalinta ilkaha iyo helitaanka cirrid xooggan oo caaafimaad qaba iyagoo taageeraya bogsashada unugyada cirridka iyo yaraynta bararka.

 Shaaha Cagaaran

Shaaha cagaaran waxaa ku jirta antioxidants, gaar ahaan catechins, kuwaas oo ka caawiya qofka la dagaalanka bakteeriyada iyo yaraynta caabuqa cirridka ku dhaca. Cabitaanka shaaha cagaaran si joogto ah waxa ay sidoo kale  wanaajisaa neefta afka iyo ka hortagida caabuqa cirridka isaga oo la dagaalanta bakteeriyada afka ee waxyeelada leh taas oo keenta lingaxa ilkaha ku sameysma ( plaque buildup), waxaanu sababaa cirrid dhiiga

Talooyin caafimaad ayaa lagu soo jeedinayaa, ku darida cuntooyinkan hanaanka cuntadaada waxay kaa caawin kartaa caafimaadka cirridka iyo guud ahaan nadaafadda afka ee qofka.